സൂറത്തുല് ഖദ്റിന്റെ ശ്രേഷ്ഠത:
ലൈലത്തുല് ഖദ്റിനെ പ്രതീക്ഷിക്കപ്പെടുന്ന റമളാന്റെ രാത്രികളില് ഈ സൂറത്ത് വര്ദ്ധിപ്പിക്കല് പ്രത്യേകം സുന്നത്തുണ്ട്. ആരെങ്കിലും സൂറത്തു ഖദ്ര് 100 തവണ ഓതിയാല് അല്ലാഹു ആ വ്യക്തിയുടെ ഖല്ബില് ഇസ്മുല് അഅ്ളം ഇട്ടുകൊടുക്കുന്നതാണ്. അയാള് അല്ലാഹുവിനോട് എന്ത് ആവശ്യപ്പെട്ടാലും നല്കുന്നതാണ്... (റൂഹുല് ബയാന്).
യാത്രക്കാരന് വീട്ടില് നിന്നു പുറപ്പെടുമ്പോള് ഓതിയാല് യാത്രയിലുടനീളം കാവല് ലഭിക്കുന്നതും സുരക്ഷിതമായി വീടണയുന്നുമാണ്... (ഖസീന).
വെള്ളിയാഴ്ച ദിവസം ഈ സൂറത്ത് ഒരാള് ആയിരം പ്രാവശ്യം ഓതിയാല് തിരുനബി (സ്വ) യെ കിനാവില് ദര്ശിക്കാതെ അയാള്ക്കു വിയോഗമുണ്ടാവില്ല. ഈ സൂറത്ത് പാത്രത്തിലെഴുതിക്കുടിച്ചാല് രോഗങ്ങള് പിടിപ്പെടില്ല... (ഖസീന..)
സത്യസന്ധനായി ജീവിതം നയിക്കാന് നിനക്കാഗ്രഹമുണ്ടെങ്കില് സൂറത്തുല് ഖദ്ര് പതിവാക്കുക ... (ദുര്റുന്നളീം)
ഈ സൂറത്ത് 36 തവണ വെള്ളത്തില് മന്ത്രിച്ച് ആ വെള്ളം പുതുവസ്ത്രത്തില് കുടഞ്ഞാല് ധരിക്കുന്ന കാലമത്രയും അയാള്ക്ക് ഭക്ഷണ വിശാലത ലഭിക്കും... (ഖവാസുല് ഖുര്ആന്).
നബി (സ്വ) പറയുന്നു: ഖബറടക്കുന്ന നേരം ഖബറില് നിന്നെടുത്ത മണ്ണില് ഏഴ് തവണ സൂറത്തുല് ഖദ്ര് ഓതുകയും ആ മണ്ണ് ഖബറിലോ കഫന് പുടവയിലോ വെക്കുകയും ചെയ്താല് ആ മയ്യിത്ത് ഖബറില് ശിക്ഷിക്കപ്പെടുകയില്ല... (തര്ശീഹ് 139)